قررنا نعمل ريفيو للمنتجات إللي احنا شايفين انها تستحق انكم تجربوها، بدل ما التركيز دايماً بيكون بس على المنتجات إللي كل الناس بتتكلم عنها، وده بغرض تسليط الضوء على الحاجات إللي جربناها شخصيًا واختبرناها واخترنا الاستمرار في استخدامها، وشايفين انكم هتحبوها برضه.

المشكلة: شعري جاف بسبب المعالجة المستمرة، يتساقط، ضعيف نسبياً، ومفيهوش لمعان.

اسم المنتج: قناع العناية العميقة بالشعر مارو ميلو من جيفان

المكونات الأساسية: زيت النخاع، بانثينول، فيتامين E، زيت الجوجوبا

السعر: ٢٨٠ جنيه مصري

الكثافة/التركيب: مش زي قناع الشعر الكريمي التقليدي، تركيبته أثقل.

الرائحة: فاكهة الباشن فروت، مختلف ومتميز.

الحكم: بدأت استخدامه من نص أغسطس للسنة دي، وناوية أكمل استخدامه لفترة أطول. منتج رائع بيغذي شعري بعمق، ومن غير ما يكون شعري دهني، كمان بيدي لمعان صحي. شعري مبقاش جاف في الوقت الحالي، وحاسة برضه إنه ساعد في تقليل تساقط الشعر.

هل سأشتريه مرة ثانية؟ أيوا أكيد!

عايزة تفاصيل أكثر عن المنتج ده؟ اضغطي هنا >>