<b>دليلك الشامل لفوائد الريتينول لبشرتك على موقع زينة</b>

خبراء تجميل موقع زينة جاوبوا على أبرز الأسئلة المتعلقة بالريتينول وفوائده لبشرتك، وكمان أفضل مستحضرات التجميل بالريتينول إللي ممكن تتسوقيها أون لاين في مصر على ZYNAH.me.

ما هو الريتينول؟

شكل من أشكال فيتامين أ ، أو بالأخص أ-١ ، بيركز على تقليل الخطوط الدقيقة والتجاعيد والبقع الداكنة على بشرتك، وعادة بيكون على شكل سيروم أو كريم.

إيه هي فوائد الريتينول لبشرتي؟

- بيقلل الريتينول التجاعيد والخطوط الدقيقة

- بيساعد على التخلص من البقع الداكنة على البشرة.

- يمنع تكسر الكولاجين ويزيد من مرونة الجلد.

- الريتينول يضيء البشرة الباهتة وبيخلي بشرتك أكثر نعومة

- بيقلل من زيوت البشرة الدهنية وحب الشباب وينظف المسام.

كيف يعمل الريتينول؟

يعمل الريتينول على تسريع معدل تجديد الخلايا، وده بيساعد على نمو خلايا الجلد الجديدة، وبيمنع تكسر كولاجين الجلد إللي بيقلل التجاعيد والخطوط الدقيقة.

امتى وازاي أدخل الريتينول في روتين العناية ببشرتي؟

ابدئي بمنتج فيه نسبة تركيز منخفضة من الريتينول واستخدميه مرتين فقط في الأسبوع في البداية علشان تكتشفي بشرتك هتستجيب ليه بأي طريقة. لو مفيش تهيج بسبب الريتينول، أو بدأت بشرتك تتعود عليه، تقدري تزودي إستخدامه ليوم أو يومين كمان. يفضل استخدام الريتينول بالليل. عادة بيستخدم الريتينول بمجرد ظهور علامات تقدم سن البشرة زي الخطوط الدقيقة أو التجاعيد أو البقع الداكنة، بس تقدري تبدئيه برضه في منتصف العشرينيات من عمرك.

امتى أفضل وقت لاستخدام الريتينول؟

يفضل استخدام الريتينول بالليل لأنه مع الشمس بيخلي بشرتك حساسة جداً. لو قررتي برضه تستخدميه الصبح ضروري جداً يكون معاه صن بلوك درجة حماية ٥٠+.

ممكن استخدم الريتينول أثناء الحمل؟

نوصي بمراجعة طبيبك لو كنتي حامل قبل استخدام الريتينول.

في حاجات ثانية لازم أعرفها عند استخدام الريتينول؟

عند تقشير البشرة، متستخدميش في اليوم ده ريتينول لتجنب تهيج بشرتك. لما تبدئي مع الريتينول، تأكدي من دمجه واحدة وحدة في روتينك للعناية بالبشرة، مرتين في الأسبوع ويفضل يكون بالليل. وأخيرًا ، الريتينول ممكن يخلي بشرتك جافة أكثر من العادي وعلشان كدة لازم تستخدمي مرطب قوي للحفاظ على بشرتك وعدم تهيجها.

اكتشفي وتسوقي أفضل مستحضرات التجميل بالريتينول في مصر...